Drejtori sportiv i Juventus, Cristiano Giuntoli, ishte ai që doli përpara kamerave pas humbjes së rëndë kundër Fiorentinës. Për habi, konfirmoi tekniku Thiago Motta, duke thënë se ai do të vazhdojë të jetë në krye të skuadrës, sepse ky është momenti për të qëndruar të bashkuar. Të paktën zyrtarisht është kështu, por nuk mund të vihet dorë në zjarr, duke pasur parasysh se pauza e kampionatit është një periudhë mjaft e gjatë që mund të çojë në reflektime, vlerësime dhe (eventualisht) vendime të mëdha e përfundimtare.
“Do të vazhdohet me teknikun Thiago Motta?”, e pyet gazetari i Sky drejtuesin juventin Giuntoli. “Sigurisht”, është përgjigja e tij, pa shtuar asgjë tjetër për një çështje kaq të nxehtë.
❗️GIUNTOLI CONFIRMS THIAGO MOTTA: “We are sorry for the last two below level, but we are convinced that we can all come out of it together with Thiago Motta.”#FiorentinaJuve https://t.co/SewuXN35Lg pic.twitter.com/1xuFnoq2KN
— Juventus Xtra (@juven_xtra) March 16, 2025
Skuadra ka pësuar 7 gola në 2 ndeshje: 4 nga Atalanta, 3 në “Franchi” kundër Violës, dhe paraqitja ishte thjesht çarmatosëse, pa asnjë forcë dhe krenari (diçka që e vuri në dukje edhe Alessandro Del Piero, i habitur nga ajo që pa). Fitorja e Bolonjës ndërlikon gjithçka: skuadra e teknikut Italiano renditet e katërta pas fitores spektakolare ndaj Lazios, një rezultat që e nxjerr Juventusin jashtë zonës Champions. Dhe tashmë, vendi i katërt mbetet i vetmi objektiv. Shumë pak, tepër pak për “Zonjën e Vjetër”, e cila tani rrezikon shumë, duke u gjendur në një situatë të papritur zvogëlimi të pritshmërive.
Lexo më tej: Fiorentina asfalton Juventusin: Motta shembet edhe në Franchi e rrezikon shkarkimin
“Jemi shumë, shumë të zhgënjyer”, – shtoi drejtori sportiv i bardhezinjve Giuntoli. – “Por jemi të bindur se mund të dalim nga kjo situatë të gjithë bashkë. Objektivi ynë është kualifikimi në Champions League. Është diçka e arritshme dhe duam ta realizojmë. Nuk do të flisja për objektiva minimale apo maksimale. Kemi nisur një projekt ku e dinim që do të kishim vështirësi, duke ulur pagat dhe gjithçka tjetër… tani duhet të fokusohemi vetëm në mënyrën më të mirë për të dalë nga kjo situatë”.
Si mund të dilet nga një krizë kaq negative?
“Duke analizuar në mënyrë të kthjellët atë që ka ndodhur javët e fundit. Mos të harrojmë që pas fitores ndaj Veronës, shumë na shihnin si pretendentë për titull. E vërteta është se duhet ekuilibër, nuk mund të kalojmë nga qielli në ferr. Nga ana taktike, trajneri do të gjejë zgjidhjen më të mirë, po ashtu edhe në aspektin psikologjik”.
Më pas ai përsërit të njëjtin koncept të shprehur në fillim të intervistës, duke theksuar nevojën për të qëndruar të bashkuar për të rikthyer ekuilibrin që u thye pas humbjeve ndaj Atalantës dhe Fiorentinës. “Të gjithë bashkë duhet t’i japim një dorë të madhe për të rikthyer ekuilibrin që na duhet”.
