Klan News ka zbardhur progres raportin e parë të raportuesit të ri për Shqipërinë, Andreas Schieder.
“Shqipëria ende përballet me një sërë sfidash si tejkalimi i polarizimit të brendshëm politik, forcimi i shtetit ligjor dhe konsolidimi i reformave kundër korrupsionit. Përshëndesim angazhimin e palëkundur të Shqipërisë për integrimin në BE, duke reflektuar konsensusin mes partive politike dhe mbështetjen dërrmuese të qytetarëve. Vlerësojmë ambicien e Shqipërisë për mbylljen e negociatave të anëtarësimit deri në fund të vitit 2027 dhe përparimin e shpejtë të bërë në vitet e fundit, veçanërisht hapjen e dy grupeve të kapitujve negociues në vitin 2024.
PE riafirmon përgjegjësinë e përbashkët të forcave politike të Shqipërisë për të forcuar dialogun politik konstruktiv dhe gjithëpërfshirës dhe për të kapërcyer polarizimin e vazhdueshëm politik në vend. Merr parasysh ndryshimet e korrikut 2024 në kodin zgjedhor të Shqipërisë, të cilat mundësojnë votimin jashtë vendit nga diaspora shqiptare dhe listat pjesërisht të hapura të kandidatëve. Këmbëngulim në nevojën për të adresuar dhe zbatuar rekomandimet e pazgjidhura nga OSBE/ODIHR dhe Komisioni i Venecias”.
“Vlerësojmë punën kyçe të Strukturës së Posaçme Kundër Korrupsionit dhe Krimit të Organizuar të Shqipërisë (SPAK) në ndërtimin e një historie të hetimit, ndjekjes penale dhe dënimit në rastet e korrupsionit të nivelit të lartë”.
Paralajmëron kundër cenimit të punës së institucioneve të pavarura si SPAK.
“Bëjmë thirrje për emërimin e prokurorëve shtesë në Prokurorinë Speciale si dhe ngritjen e një njësie të hetimit financiar”.
Klan News
