Zgjedhjet e 11 Majit/ KQZ miraton listat me kandidatë për deputetë të Lëvizjes Bashkë |

2 Min Read

Komisioni Qendror i Zgjedhjeve ka miratuar këtë të shtunë listat me kandidatë për deputëtë të Lëvizjes Bashkë, për zgjedhjet parlamentare të 11 Majit.

Lëvizja Bashkë bëhet e para parti të cilës i miratohen listat me kandidatë për deputetë në 12 Qarqet e vendit, që do të garojnë në zgjedhjet parlamentare.

Vetë kryetari i kësaj partie, Arlind Qori, është i dyti në listë të sigurt të Tiranës, ndërsa lista kryesohet nga pedagogu Redi Muçi.

Në Shkodër, listën e kandidatëve për deputetë e kryeson një student, Gabriel Rakaj, ndjekur nga Mirza Balaj, Abel Brahusha, Arsid Shega, ndërsa kandidatët e tjerë garojnë në listë të hapur.

Emiljano Kita kryeson listën në qarkun e Lezhës, ndërsa e dyta në listën e sigurt është Xhuljane Uku.

Në Korçë, i pari në listën e mbyllur është Petro Lubonja, ndjekur nga Jeton Pekmezi dhe Tea Gugo. Ndërsa 10 kandidatë të tjerë garojnë në listë të hapur.

Pesë kandidatë garojnë në listën e mbyllur për deputetë në qarkun e Fierit, ndërsa 16 të tjerë i nënshtrohen votimit parapëlqyes.

Oltion Fociro kryeson listën mbyllur në qarkun e Elbasanit, ndjekur nga katër të tjerë, ndërsa në listën e hapur janë 14 kandidatë.

Në Dibër, Besjan Kica me profesion fermer kryeson listën, ndjekur nga Rexhina Elmazi.

Në listën me renditje të fiksuar të Kukësit është vetëm Albjan Metallari, ndërsa tre të tjerë i nënshtrohen votimit parapëlqyes.

Ndërsa në listën me renditje të fiksuar të Gjirokastrës është Klevis Bedaj, ndërsa katër të tjerë i nënshtrohen votimit parapëlqyes.

Artan Kacani kryeson listën e mbyllur të qarkut Durrës, ndjekur nga katër të tjerë, ndërsa në listën e hapur janë 14 kandidatë.

Në Berat, Elio Shyti kryeson listën, ndjekur nga Bleranda Meçi.

Katër kandidatë garojnë në listën e mbyllur për deputetë në qarkun e Vlorës, ndërsa 12 të tjerë i nënshtrohen votimit parapëlqyes.

Share This Article
Leave a Comment