Sekretari amerikan i shtetit, Marco Rubio ka shpallur si person “non grata” ambasadorin e Afrikës së Jugut në Shtetet e Bashkuara, Ebrahim Rasool pas akuzave të këtij të fundit ndaj Amerikës dhe Presidentit Donald Trump.
Në një njoftim të bërë publik të rrjetin e tij social X, Rubio shkruan se Rasool nuk është më i mirëpritur në vendin e tyre, pas deklaratave të tij të dhënë së fundmi, duke e etiketuar ambasadorin si një politikan që urren Amerikën dhe kreun e Shtëpisë së Bardhë.
“Ne nuk kemi asgjë për të biseduar me të dhe për ne ai konsiderohet një person non grata”, sqaroi sekretari i shtetit.
Lidhur me këtë vendim të Rubios, nuk pati një reagim nga Departamenti amerikan i Shtetit për të dhënë më tepër shpjegime.
South Africa’s Ambassador to the United States is no longer welcome in our great country.
We have nothing to discuss with him and so he is considered PERSONA NON GRATA.https://t.co/mnUnwGOQdx
— Secretary Marco Rubio (@SecRubio) March 14, 2025
