Përveç Julian Alvarez që e realizoi, protagonisti tjetër kryesor i penalltisë në ndeshjen mes Atletico Madridit dhe Real Madridit, që bëri xhiron e botës, ishte gjyqtari i polak Szymon Marciniak, i cili së bashku me VAR-in vendosën se goli nuk ishte i rregullt, pasi ylli argjentinas kishte prekur topin me të dyja këmbët.
Gjyqtari polak i është referuar asaj loje në faqen Win Win, ku e bëri të qartë se ishte ai që e vuri re i pari situatën.
“A u tha Mbappe gjyqtarëve se Alvarez e preku topin dy herë? Kjo nuk është aspak e vërtetë. Isha unë ai që informova gjyqtarët e VAR-it se kishte 99% mundësi për një prekje të dyfishtë nga Alvarez dhe ata e shqyrtuan atë tërësisht”, ka thënë fillimisht plaku.
“Të jem i sinqertë, nuk jam përballur kurrë me një situatë si kjo në karrierën time si gjyqtar, por lojtarët i dinë rregullat”, përfundoi Marciniak.
UEFA më vonë, mesditën e së enjtes ka publikuar një deklaratë për të sqaruar veprimin.
Sipas organit drejtues të futbollit evropian, megjithëse ishte minimal, “lojtari bëri kontakt me topin me këmbën e tij mbështetëse përpara se ta shkelmonte.
Sipas rregullit aktual (Ligjet e lojës, Ligji 14.1), VAR-i do të duhej të thërriste gjyqtarin për të treguar se goli duhet të anulohej.
UEFA, siç njoftohet në deklaratë, do të hyjë në diskutime me FIFA dhe IFAB për të përcaktuar nëse rregulli duhet të rishikohet në rastet kur një prekje e dyfishtë është qartazi e paqëllimshme.
