Në një përgjigje për mediat në Kosovë, Dhomat e Specializuara në Hagë thanë se vizita u mundësua për arsye humanitare.
“Për arsye të forta humanitare, Trupi Gjykues dhe gjyqtari i procedurës paraprake kanë udhëzuar Sekretarin që të organizojë një vizitë në kujdestari në Kosovë për Hashim Thaçin që të jetë me babanë e tij. I akuzuari mbetet në paraburgim dhe në kujdestari nga Dhomat e Specializuara”, thuhet në përgjigje.
Thaçi i shoqëruar nga forca policie është pritur nga disa qytetarë duke e duartrokitur, ndërsa ai ia ktheu me përshëndetje me dorë.
