Në Shtëpinë e Bardhë është zhvilluar një takim mes Presidentit të Shteteve të Bashkuara, Donald Trump, dhe Presidentit të FIFA-s, Gianni Infantino. Ky është një moment historik për futbollin botëror, pasi Infantino arriti atë që asnjë nga paraardhësit e tij nuk kishte mundur më parë: një pritje zyrtare në Shtëpinë e Bardhë nga Presidenti amerikan.
Trump-Infantino, një moment që hyn në histori
Gjatë vizitës së tij, Infantino i prezantoi presidentit amerikan Trump trofeun e ri të Kupës së Botës për Klube, e cila do të mbahet nga qershori në korrik në Florida, në Miami. Takimi ishte gjithashtu një mundësi për të diskutuar mbi zhvillimin e futbollit në SHBA, rritjen e popullaritetit të sportit dhe ndikimin e investimeve që kanë sjellë shumë lojtarë amerikanë në Evropë.
Një tjetër pikë kyçe e takimit ishte nënshkrimi i një marrëveshjeje nga Donald Trump për krijimin e një task-force, në kuadër të përgatitjeve për Kupën e Botës 2026, e cila do të organizohet në SHBA, Kanada dhe Meksikë.
Lexo më tej: E bujshme, Trump do jetë në Super Bowl: asnjë president para tij nuk e ka bërë
Trump u shfaq i kënaqur me takimin dhe vlerësoi Infantinon me fjalët: “Ai është mbreti i futbollit. Kupa e Botës do të jetë eventi më i madh në histori. Infantino na e dha këtë mundësi dhe ne do të bëjmë gjithçka që të ndiheni si në shtëpinë tuaj”. Ky takim në Shtëpinë e Bardhë tashmë është shënuar në historinë e futbollit botëror, duke hyrë në faqet e almanakëve të këtij sporti.
