Mario Gonzalez e humbi plotësisht kontrollin dhe tani rrezikon një dënim rekord. Futbollisti i ekipit Paysandú Interior u kap nga nervozizmi gjatë ndeshjes kundër Soriano Capital dhe rrëzoi brutalisht një kundërshtar. Një goditje shumë e fortë, e cila për fat të mirë nuk pati pasoja të rënda për të pafatin Enzo Echeveste.
Çmenduri në Uruguai, Gonzalez godet me grusht Echeveste
Ndeshja e vlefshme për Torneon Rajonal Litoral të Kupës Kombëtare OFI përfundoi me polemika dhe një incident të shëmtuar, sidomos për shkak të tensionit të madh në fushë. Gjithçka kulmoi me një përleshje, ku protagonist ishte pikërisht Gonzalez. Ky i fundit, pas një ndërhyrjeje të gabuar, u përball me reagimin e kundërshtarëve: disa lojtarë me fanella të kuqe iu afruan për t’u konfrontuar me të, duke shkaktuar një reagim të menjëhershëm nga Gonzalez. Pas një përpjekjeje të dyfishtë për t’i goditur me kokë, ai e çoi edhe më tej çmendurinë e tij.
😳 ¡LA AGRESIÓN MÁS BRUTAL! 😳
🥊 Salvaje puñetazo en Uruguay en el partido entre Soriano Capital y Paysandú Interior. pic.twitter.com/F2uKUQ9Byi
— El Chiringuito TV (@elchiringuitotv) February 24, 2025
Echeveste rrëzohet pa ndjenja, çfarë ndodhi?
Pa e parë fare, pasi u kthye me shpejtësi, futbollisti me fanellë bardhekaltër dhe numër 17 goditi me një grusht të fuqishëm në fytyrë Echeveste, i cili kishte tentuar ta largonte duke e kapur nga qafa. Lojtari i ekipit kundërshtar mbeti i shtrirë pa ndjenja në fushë, ndërsa gjyqtari nuk pati zgjidhje tjetër përveçse t’i nxirrte kartonin e kuq një Gonzalez të pakontrollueshëm.
Pati shqetësim për Echeveste, duke pasur parasysh forcën e madhe të goditjes, e cila e qëlloi në fytyrë në stilin e Mike Tyson. Për fat të mirë, ai nuk pësoi dëmtime serioze dhe më vonë konfirmoi në një video në rrjetet sociale se gjendja e tij ishte e mirë. Fytyra e tij ishte e enjtur në anën e majtë, por ai nuk kishte pësuar dëmtime të tjera, përveç një goditjeje të fortë.
“Mirëmbrëma, po bëj këtë video për të informuar të gjithë ata që po prisnin lajme, më dërgonin mesazhe dhe shqetësoheshin për shëndetin tim. Jam mirë dhe gjithçka ka shkuar mirë. Ju lutem, dua që gjithçka që ka ndodhur të harrohet, në mënyrë që të fokusohemi në ndeshjen e ardhshme të së premtes. Do ta ngremë atë kupë!”
Me këto fjalë, Echeveste shprehu dëshirën për ta lënë pas këtë incident të shëmtuar dhe për t’u përqendruar te objektivat e ardhshëm.
👍 “Está todo bien, vamos a enfocarnos en el partido del viernes y dejar todo esto atrás”.
🗣️ Enzo Echeveste, jugador de Paysandú Interior, manda un mensaje tranquilizador tras recibir el puñetazo. https://t.co/jW9QCfOO1v pic.twitter.com/l9VasVypiO
— El Chiringuito TV (@elchiringuitotv) February 24, 2025
