Boksieri neo-zelandez Joseph Parker fitoi duelin ndaj kongolezit Martin Bakole me “KO Teknik” në raundin e dytë, sfidë e zhvilluar në Riad të Arabisë Saudite.
Sukses që i dha mundësi Parker të mbrojë titullin e përkohshëm në kategorinë WBO në peshën e rëndë.
Ai duhej të përballej me britanikun Daniel Dubois dhe sfida do të zhvillohej për titullin kampion bote të kategorisë IBF, por britaniku i sëmurë u tërhoq nga sfida 48 orë para zhvillimit të tij. Vendin e tij e zuri Bakole (21 fitore e 2 humbje në karrierë), që u dorëzua shpejt.
Një përballje pa shumë emocione, dominuar nga Parker (36 fitore e 3 humbje në karrierë), që ishte shumë më lart se rivali. Goditjet e tij e hodhën shpejt KO rivalin kongolez, që nuk ishte në gjendje të rivalizonte edhe për shkak të mbipeshës, duke e merituar fitoren.
