Kryetari i Këshillit Kombëtar të PD, Edi Paloka komentoi arrestimin e kryebashkiakut Erion Veliaj, duke thënë fillimisht se për të dhe selinë blu është një akt i mirëpritur.
Më tej, Paloka sqaroi se ky qëndrim do të ndryshojë në momentin që SPAK, përveç Veliaj të arrestojë dhe Kryeministrin Rama, duke thënë se nëse ndodhë, do të kërkojë ndjesë me përulje.
Sa i përket reagimeve të Kryeministrit Rama lidhur me mbrojtjen që i ka bërë kryebashkiakut të Tiranës, Paloka sqaroi se kjo është një lëvizje e qartë e Ramës për të mbajtur afër ata që paguhen prej Erion Veliajt. Madje Paloka shtoi se kjo situatë i ka dalë jashtë kontrollit kreut të qeverisë duke thënë se ditëve të fundit, Rama ka shfaqur gjendje të paqëndrueshme psiqike.
