Raundi i dytë i grupeve kualifikuese për Botërorin 2026: Norvegjia regjistron fitoren e dytë radhazi në Grupin I, duke mundur 4-2 Izraelin në Hungari me protagonist Odegaard e Haaland. Abu Fani barazoi përkohësisht në minutën e 55′ golin e avantazhit të Wolfe (39’), por më pas Sorloth (59’), Ajer (65’) dhe Haaland (83’) sigluan suksesin për skandinavët. Goli i Turgeman në kohën shtesë ishte i kotë për Izraelin. Në një tjetër sfidë të çmendur, Estonia triumfoi 3-2 në fushën e Moldavisë, ku të dyja skuadrat e mbyllën me nga një lojtar më pak.
IZRAEL – NORVEGJI 2-4 (GRUPI I)
Norvegjia konfirmon formën e saj të shkëlqyer, duke marrë fitoren e dytë në Grupin I të kualifikuesve për Botërorin 2026, në të njëjtin grup ku bën pjesë edhe Italia. Skandinavët fituan 4-2 ndaj Izraelit në një ndeshje të zhvilluar në Hungari.
Skuadra e Solbakken nisi furishëm, me Sorloth që goditi traversën që në minutën e 3′, por për të gjetur golin e avantazhit iu desh të priste deri në minutën e 39′: Odegaard asistoi për Wolfe, i cili nuk gaboi nga një pozicion i favorshëm. Norvegjia e mbylli pjesën e parë në avantazh minimal, por Izraeli reagoi në fillimin e së dytës, kur Abu Fani lëshoi një goditje të fuqishme nga distanca në minutën e 55′, duke mposhtur Nyland dhe duke barazuar rezultatin.
Lexo më tej: Manaj, Broja e Uzuni, Shqipëria likuidon Andorrën: Sylvinho i dyti, falë… Anglisë
Megjithatë, gëzimi i izraelitëve zgjati vetëm katër minuta, pasi Odegaard regjistroi asistin e dytë të ndeshjes, këtë herë për Sorloth, i cili shënoi për 2-1. Më pas, Norvegjia kontrolloi lojën dhe shtoi dy gola të tjerë në 30 minutat e fundit: Ajer shënoi pas një aksioni të ndalur në minutën e 65′, ndërsa Haaland vulosi rezultatin me golin e tij në minutën e 83′. Në kohën shtesë, Turgeman shënoi për Izraelin në minutën e 93′, duke ngushtuar diferencën në 4-2, por pa ndryshuar fatin e ndeshjes. Norvegjia falë Odegaard e Haaland siguron kështu 6 pikë në dy ndeshjet e para të grupit.
DRAMË NË MOLDAVI – ESTONIA FITON 3-2
Estonia regjistroi një fitore të çmendur 3-2 në transfertë ndaj Moldavisë. Ndeshja mori menjëherë një kthesë kur Cojocaru u ndëshkua me karton të kuq në minutën e 5-të, duke i dhënë epërsinë numerike estonezëve, të cilët e shfrytëzuan me dy gola të shpejtë nga Peetson (19’) dhe Sappinen (30’).
Megjithatë, në minutën e 48-të edhe Estonia mbeti me dhjetë lojtarë, pasi Palumets u ndëshkua me të kuq. Kjo i dha mundësinë Moldavisë të shkurtonte diferencën me golin e Nicolaescu në minutën e 67-të, por Estonia u kundërpërgjigj menjëherë me golin e tretë nga Tait në minutën e 70-të. Në kohën shtesë (91’), Caimacov shënoi për vendasit, por ishte shumë vonë për të shmangur humbjen.
GRUPI J
Në Grupin J, Kazakistani fitoi 2-0 në fushën e Lihtenshtajnit falë golave të Samorodov (42’) dhe Marochkin (45’). Ndërkohë, Maqedonia e Veriut arriti një fitore të rëndësishme 1-0 ndaj Uellsit, me golin e Miovskit në minutën e 91-të, duke e kapur Uellsin në krye të grupit me 4 pikë.
GRUPI L
Çekia dominoi ndaj Gjibraltarit, duke fituar 4-0 me golat e Cerny (21’), Schick (50’), Suic (72’) dhe Kliment (95’). Në të njëjtin grup, Mali i Zi fitoi 1-0 kundër Ishujve Faroe me një gol të Kuc në minutën e 96-të, duke e çuar ekipin në kuotën e 6 pikëve.
REZULTATET E MBRËMJES
World Cup Qualification: 1st Round: Group I
Moldova 2-3 Estonia
Israel 2-4 Norway
World Cup Qualification: 1st Round: Group J
Liechtenstein 0-2 Kazakhstan
North Macedonia 1-1 Wales
World Cup Qualification: 1st Round: Group L
Gibraltar 0-4 Czechia
Montenegro 1-0 Faroe Islands
