Kryedemokrati Sali Berisha ka marrë pjesë ditën e sotme në festën Kombëtare të Republikës së Greqisë, të organizuar nga Ambasadorja e këtij vendi H.E. Mrs. Konstantina Kamitsi në Qendrën Kulturore Orthodokse në Tiranë.
Lajmin e ka bërë të ditur vetë Berisha përmes një postimi në faqen e tij në Facebook, ku ka ndarë edhe pamje nga eventi.
Berisha thotë gjithashtu se në një atmosferë të ngrohtë e miqësore u takua me miq e të ftuar, politikanë, deputetë, udhëheqësit më të lartë të Kishës Orthodokse dhe përfaqësues të njohur të minoritetit grek.
Postimi i Berishës:
Të nderuar miq,
Ishte një kënaqësi të merrja pjesë sonte në festën Kombëtare të Republikës së Greqisë, të dhënë nga Ambasadorja e këtij vendi H.E. Mrs. Konstantina Kamitsi në Qendrën Kulturore Orthodokse në Tiranë. Në një atmosferë të ngrohtë e miqësore takuam miq e të ftuar, politikanë, deputetë, udhëheqësit më të lartë të Kishës Orthodokse, përfaqësues të njohur të minoritetit grek. Në pritje takova dhe mikpritësen Ambasdaren Kamitsi, të cilën e falenderova për ftesën dhe e urova për festën kombëtare.
