Edgar Çani është futbollisti më i ri i ekipit United Riccione. Shqiptari ishte pa ekip që prej korrikut të shkuar, teksa tashmë me ekipin italian, të cilët militojnë në Serie D.
Çani ka firmosur një kontratë afatshkurtër, të vlefshme deri në qershor të këtij viti. Ish-sulmuesi i Kombëtares shqiptare shihet nga drejtuesit e klubit italian si i duhuri për të përforcuar ekipin dhe ndihmuar ata të mbijetojnë.
Kujtojmë se 35-vjeçari ka një aventurë të gjatë në Itali, ku ka luajtur me Pescara, Palermo, Ascoli, Padova, Modena, Piacenza, Catania, Bari, Carpi, Pisa, Vibonese, Torres, Aprilia, Legnano dhe Cream.
Gjithashtu Çani është aktivizuar në Poloni, në Angli me Leeds United dhe në Shqipëri me Partizanin.
