Juventus ka vendosur të mos presë ndeshjen kundër Genoa dhe ka shkarkuar teknikun Thiago Motta përmes një komunikate zyrtare. Në vend të tij vjen Igor Tudor. Trajneri kroat, i cili ka luajtur 7 sezone me fanellën bardhezi dhe ka qenë ndihmës i Andrea Pirlo në sezonin 2020-21, ka fituar garën ndaj ish-teknikut të kombëtares Roberto Mancini pasi ka pranuar të marrë drejtimin e skuadrës për muajt e ardhshëm si një zgjidhje e përkohshme. Ai ka pranuar kontratën deri në qershor, me një opsion për zgjatje deri në 2026. Tudor pritet të mbërrijë në Torino të dielën në mbrëmje.
KOMUNIKATA ZYRTARE E JUVENTUS
“Juventus FC njofton se ka liruar nga detyra trajnerin e ekipit të parë, Thiago Motta. Klubi falënderon teknikun Thiago Motta dhe të gjithë stafin e tij për profesionalizmin e treguar dhe për punën e bërë me pasion dhe përkushtim gjatë këtyre muajve, duke u uruar më të mirën për të ardhmen. Juventus FC njofton gjithashtu se drejtimin e ekipit të parë e ka marrë Igor Tudor, i cili do të zhvillojë nesër seancën e tij të parë stërvitore.”
Igor Tudor è il nuovo allenatore della Prima Squadra Maschile. Bentornato, Igor!
Il Club ringrazia Thiago Motta e tutto il suo staff per la professionalità dimostrata e per il lavoro svolto in questi mesi con passione e dedizione, augurando loro il meglio per il futuro.
— JuventusFC (@juventusfc) March 23, 2025
STËRVITJA E PARË QË NESËR
Tudor pritet të mbërrijë në Torino sonte. Nëse planet mbeten të pandryshuara, trajneri kroat, i ndihmuar nga Javorcic, do të drejtojë ekipin që nesër për të nisur përgatitjet për ndeshjen Juventus-Genoa, e cila është planifikuar për të shtunën, më 29.
FIRMA DHE UDHËTIMI PËR NË TORINO
Kontrata e Tudor është gati dhe dokumentet janë shqyrtuar nga palët. Trajneri do të firmosë dhe më pas do të niset drejt Torinos, ndërsa pritet zyrtarizimi i shkarkimit të Thiago Motta.
TUDOR ME JAVORCIC NË STAF
Në stafin teknik të Igor Tudor do të jetë edhe Ivan Javorcic, ish-lojtar i Brescia dhe Atalanta, si dhe ish-trajner i Venezia, i cili më parë ka qenë edhe ndihmës i Tudor te Lazio.
KONTRATA E TUDOR
Sipas zërave, në kontratën e Tudor përfshihet një klauzolë sipas së cilës Juventus ka mundësinë të shkëpusë bashkëpunimin me kroatin dhe të caktojë një trajner të ri që nga Kupa e Botës për Klube, e planifikuar për në qershor, në SHBA.
