Policia në Lezhë ka finalizuar operacionin policor të koduar “Salon”, pas një vjedhjeje që ndodhi në një parukeri në lagjen “Besëlidhja”.
Njoftimi i policisë:
Lezhë/Finalizohet operacioni policor i koduar “Salon”.
Sekuestrohen artikujt e vjedhur.
Specialistët për Hetimin e Krimeve të Komisariatit të Policisë Lezhë, si rezultat i veprimeve hetimore të kryera pas kallëzimit nga një shtetase, për vjedhje në parukerinë e saj, dje, në lagjen “Besëlidhja”, kanë organizuar dhe finalizuar operacionin policor të koduar “Salon”, si rezultat i të cilit u zbardh vjedhja dhe u identifikuan 2 autorët e dyshuar.
Në përfundim të veprimeve, u arrestua në flagrancë shtetasi R. S., 26 vjeç, banues në Lezhë dhe nisi procedimi në gjendje të lirë për bashkëpunëtoren, motrën e tij 17 vjeçe.
Materialet procedurale i kaluan Prokurorisë së Lezhës, për veprime të mëtejshme.
