Identifikohet dhe shpallet në kërkim shtetasi Marjus Xhepa, 30 vjeç, i cili dyshohet se i ka vënë flakën dy automjeteve të xhaxhait të tij gjatë natës në kryeqytet.
Ngjarja ka ndodhur në rrugën “Hamdi Cenoimeri”, Tiranë.
Shërbimet e Komisariatit të Policisë Nr. 6, menjëherë pas marrjes së njoftimit se në rrugën “Hamdi Cenoimeri”, ishin djegur 2 automjete të parkuara në oborrin e banesës së shtetasit G. Xh., 66 vjeç, kanë shkuar në vendngjarje, me qëllim kryerjen e veprimeve hetimore.
Nga veprimet e para hetimore është identifikuar autori i dyshuar, shtetasi M. Xh., 30 vjeç, i cili dyshohet se për motive pronësie, ka djegur 2 automjetet e xhaxhait të tij.
Materialet procedurale i kaluan Prokurorisë, për veprime të mëtejshme”, thuhet në njoftimin e policisë.
