Lando Norris fiton Çmimin e Madh të Australisë, një garë e dominuar gjerësisht nga McLaren, por e rrezikuar në fund për shkak të një shiu të shkurtër, por intensiv, që ndryshoi rrjedhën e garës në rreth 12 xhirot e fundit nga 57 gjithsej. Reshjet bënë që idhulli vendas, Oscar Piastri (që për një kohë të gjatë ishte i dyti dhe kërcënues pas shokut të tij të skuadrës, Norris), të dilte jashtë loje, ndërsa Ferrari vuajti edhe më shumë, pasi që në fillim nuk ishte konkurrues në asfaltin e lagësht dhe vonoi ndërrimin e gomave të plota për shi për të dy makinat.
Faji i shiut?
Norris triumfon përpara një Max Verstappen të fortë, i cili e sfidoi deri në fund (përfshirë edhe një gabim të vogël të Landos tre xhiro para fundit), ndërsa George Russell kompletoi podiumin me një garë precize dhe pa gabime. Në një duel mes tyre në gjashtë xhirot e fundit pas një periudhe me Safety Car, Charles Leclerc dhe Lewis Hamilton e mbyllën garën respektivisht në vendin e tetë dhe të dhjetë, të ndarë nga një Piastri në rikuperim. Australiani arriti të rikthehej në pistë pas një daljeje në bar tek kthesa e fundit dhe e parakaloi Hamilton në xhiron e fundit për të zënë vendin e nëntë.
LANDO NORRIS WINS THE AUSTRALIAN GRAND PRIX!
#F1 #AusGP pic.twitter.com/wTMV1El0lK
— Formula 1 (@F1) March 16, 2025
Debutim i mirë i Antonelli
Një debutim shumë i mirë për Andrea Kimi Antonelli, i cili zhvilloi një garë të shkëlqyer në rikuperim pas një rrotullimi në fazat e para. Rookieu italian i Mercedes, i cili e nisi nga fundi i grilës, përfundoi në vendin e pestë pas Williams të Alexander Albon, të cilin e parakaloi në fund, por më pas humbi pozicionin për shkak të një penalizimi prej pesë sekondash për një dalje të rrezikshme nga bokset në raport me Sauber-in e Nico Hülkenberg. Në vendin e gjashtë u rendit Lance Stroll, i cili shpëtoi bilancin e Aston Martin, duke lënë pas Hülkenberg.
BREAKING: Kimi Antonelli has been promoted to P4
The stewards have reversed their decision to penalise Antonelli due to significant and relevant new elements being presented to them which were not present at the time of the incident#F1 #AusGP pic.twitter.com/aKaqREVdTy
— Formula 1 (@F1) March 16, 2025
Kthesa famëke dhe e shpejtë numër gjashtë tradhtoi Fernando Alonso, duke shkaktuar ndërhyrjen e Safety Car dhe duke i dhënë fund një fundjave të zbehtë për dy herë kampionin e botës, i cili në pjesën më të madhe të garës ishte pas Stroll. Ironikisht, Alonso debutoi në Formula 1 pikërisht në këtë pistë në vitin 2001, gati një çerek shekulli më parë.
The standings are in…
Here’s how the top ten stack up in the drivers’ championship after the first race
#F1 #AusGP pic.twitter.com/tmXnxmkEaG
— Formula 1 (@F1) March 16, 2025
