SERBI – Ka përfunduar protesta masive e studentëve në Serbi. Tubimi që nisi prej orës 16:00 u shoqërua me tensione të shumta, ndërsa studentët kërkuan dorëheqjen e presidentit Vuçiç.
Ndërkohë Ministria e Punëve të Brendshme të Serbisë njofoi se numri i pjesëmarrësve ka qenë rreth 107 mijë veta, nga të cilët shumica kanë ardhur nga rrethinat.
Njëkohësisht, u bëhet thirrje pjesëmarrësve të tubimit që në kohën që po shpërndahen nga sheshi të ruajnë qetësinë dhe dinjitetin e vendit, në frymën e përgjegjësisë qytetare dhe duke respektuar ligjet.
“Prioriteti absolut i pjesëtarëve të Ministrisë së Punëve të Brendshme është siguria e të gjithë qytetarëve, mbrojtja e rendit dhe qetësisë publike, jetës dhe pronës. Ata do të bëjnë gjithçka, në përputhje me kompetencat e tyre, për ta përmbushur këtë detyrë në nivelin më të lartë,” thuhet në njoftimin e MPB-së se Serbisë.
Protesta e sotme u mbizotërua nga tensioni gjatë gjithë ditës sidomos pranë Parkut të Pionerit. Të paktën katër granatime artilerie u dëgjuan nga zona përreth parkut, të ndjekura nga një seri incidentesh.
Disa media raportojnë se janë hedhur bomba tymi dhe mjete të tjera piroteknike. Burime të tjera pohojnë se ka pasur edhe sulme fizike dhe shqelma mes protestuesve, gjithashtu dhe thyerje xhamash në shenjë revolte.
