Futbollisti i Flamurtarit, Sodiq Atanda është plagosur me thikë mbrëmjen e kësaj të Premte në Vlorë.
Sipas policisë, mbrojtësi nigerian, ka marrë dëmtime në dorë, pas një konflikti të çastit për motive të dobëta.
Falë veprimeve të shpejta të kryera nga strukturat e Komisariatit të Policisë Vlorë, është bërë i mundur identifikimi i autorit të dyshuar, shtetasit D. B., 21 vjeç. Vijon puna për kapjen e tij, i cili paraprakisht dyshohet se vuan nga probleme të shëndetit mendor.
Grupi hetimor vijon punën për sqarimin dhe dokumentimin e plotë ligjor të ngjarjes”, thuhet në njoftimin e policisë.
