Nënkryetari i Bashkisë së Shkodrës, Onid Bejleri renditet i dyti në listën e mbyllur të kandidatëve të Partisë Socialiste në Qarkun e Shkodrës për zgjedhjet parlamentare të 11 Majit.
Ditën e sotme, Bashkia e Shkodrës ka emëruar nënkryertarin e ri, i cili do të zëvendësojë Bejlerin, tashmë të dorëhequr. Bëhet fjalë për Alban Prekën, i cili vjen në këtë pozicion pas një eksperiencë në menaxhimin e investimeve dhe pasurive të paluajtshme në Shkodër.
Kujtojmë se drejtuesi politik i PS-së në Shkodër ishte kryebashkiaku Benet Beci, i cili është dhe nën hetim nga SPAK.
