Siç thotë Sekretari Amerikan i Shtetit, Marco Rubio, “topi është tani në fushën e Rusisë”. Ky është një moment domethënës.
Deklarata e përbashkët nga SHBA dhe Ukraina, pas një dite të gjatë bisedimesh në Jeddah të Arabisë Saudite, përmban disa linja kyçe, ndoshta asnjë më të rëndësishme se kjo: “Shtetet e Bashkuara do t’i komunikojnë Rusisë se reciprociteti rus është çelësi për arritjen e paqes”.
Ne kemi dëgjuar shumë, në javët e fundit, për atë që Donald Trump pret nga Ukraina dhe çfarë lloj instrumentesh të hapura është e gatshme të përdorë Shtëpia e Bardhë për të përkulur Kievin sipas vullnetit të saj.
Tani, duket se është koha që synimet e Rusisë të testohen në publik.
Marrëdhëniet e Trump me Vladimir Putin deri më tani kanë qenë të mbuluara me pasiguri, pa asnjë shenjë të dukshme presioni për të balancuar atë që po ushtrohet mbi Volodymyr Zelensky.
Deklarata e përbashkët SHBA – Ukrainë e së martës nuk nënkupton se Trump ka ndryshuar papritur mendjen e tij ndaj Zelenskit. E tyrja është një marrëdhënie e mprehtë, e lindur nga shumë vite mosbesimi të ndërsjellë.
Por reja e shëmtuar e ashpërsisë së krijuar nga ai takim i ndërprerë i Zyrës Ovale 11 ditë më parë mund të fillojë të zhduket teksa marrëveshja e vërtetë e krijimit të paqes po fillon.
Me rifillimin e menjëhershëm të shkëmbimit të inteligjencës amerikane dhe ndihmës për sigurinë ndaj Ukrainës, pas një pezullimi që zgjati vetëm disa ditë, është Rusia ajo që mund të ndjejë tani presionin. ©BBC, LAPSI.al
