“Unë u kam shkruar atyre një letër duke thënë: “Shpresoj që ju do të negocioni sepse nëse ne duhet të hyjmë ushtarakisht, do të jetë një gjë e tmerrshme”, tha Trump në një intervistë për kanalin amerikan “Fox Business”.
Kur u pyet, ai konfirmoi se ia kishte shkruar letrën liderit iranian, Khamenei.
Presidenti amerikan theksoi se Irani nuk mund të kishte armë bërthamore.
Në mandatin e tij të parë në detyrë, Trump u tërhoq në mënyrë të njëanshme nga pakti bërthamor i Vjenës i vitit 2018, i cili synonte të kufizonte programin bërthamor të Iranit në këmbim të heqjes së sanksioneve.
Pas kësaj, Teherani gjithashtu nuk iu përmbajt më kushteve të marrëveshjes.
