Në ditën e tretë të diskutimeve në parlamentin grek për mocionin e mosbesimit ndaj qeverisë, kryeministri Mitsotakis ka deklaruar se ai do të ketë shumicën parlamentare deri në zgjedhjet e ardhshme.
Ai sfidoi 4 partitë e opozitës që kërkuan rrëzimin e qeverisë, duke thënë se duan apo nuk duan ato, zgjedhjet do të zhvillohen në 2027.
Ndërkohë jashtë parlamentit në Athinë dhe në Selanik, në natën e tretë të përkujtimit të 57 viktimave nga përplasja e dy trenave në Tempi në 2023 pati trazira.
Disa prej protestuesve sulmuan policinë me molotov ndërsa si kundërpërgjigje morën gaz lotsjellës. Raportohet për të plagosur dhe arrestuar.
Klan News
