Sali Berisha ka vazhduar akuzat ndaj Edi Ramës, duke e cilësuar atë si një njeri që po jeton në një “komë politike”. Ai theksoi se një lider që ndodhet në këtë gjendje nuk duhet të marrë vëmendjen e publikut.
Në këtë fushatë elektorale, Rama ka zgjedhur të sulmojë Berishën duke e cilësuar si “buf kënete”.
Berisha tha se nuk dëshiron ta komentojë pasi sipas tij Rama është një person që flet çdo ditë për hardhuca, zhapikë e bretkosa.
“Lëreni në botën e tij, mos e nxiri nga bota e tij”, tha Berisha.
Unë dua t’u them qytetarëve shqiptare dhe medieve, se nga verifikimi i fakteve, në 1400 komente, nuk ekzistonte as pyetja, as emri i atij që Edi Rama pretendonte se e ka pyetur.
Dhe unë do i kërkoj zyrës së shtypit të bëjë një njoftim për këtë se ky përbën mashtrim publik.
A mundet unë t’i përgjigjem një mashtruesi publik? Që në momentin që ai del dhe thotë se filani, e zëvendëson me gazetarin, më pyeti dhe përgjigjet pa e pyetur fare, do të thotë se ai i ka bërë vetes një pyetje dhe ka hartuar një përgjigje, ky meriton përçmim.
Dhe unë, të isha gazetar, unë i bëja padi publike atij për mashtrim publik se ka gjetur mënyrën më skandaloze për të shmangur transparencën para gazetarëve.
Nuk ka ndodhur kurrë kjo në historinë e Shqipërisë, hera e parë që ndodh. Aq i kriminalizuar është, aq i zhytur është, sa ka frikë edhe nga rojet e ndërtesave të gazetave dhe televizioneve, se mos po i bëjnë një pyetje.
A ia vlen t’i komentojmë pyetjet e tij? Nuk ia vlen fare. Le ta lëmë çdo ditë të flasë pwr zhaba, hardhuca, bretkosa. Lëreni në botën e tij, të mos e nxjerrim nga ajo”, tha ai.
