Njoftimi i policise
Finalizohet nga Komisariati i Policisë Gramsh, operacioni policor i koduar “THREE”.
Sekuestrohen sendet e vjedhura.
Shërbimet e Komisariatit të Policisë Gramsh, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan me sukses operacionin policor të koduar “THREE”.
Si rezultat i të cilit, u vunë në pranga shtetasit:
S. M., 23 vjeç, i dënuar më parë për vjedhje, L. M., 22 vjeç (vëllezër), dhe K. M., 23 vjeç (i afërm i dy vëllezërve), për veprën penale “Vjedhja”, kryer në bashkëpunim.
Në cilësinë e provës materiale u gjetën dhe sekuestruan sendet e vjedhura.
Vijon puna për dokumentimin e vjedhjeve të tjera që dyshohet se janë kryer nga këta shtetas në vende të ndryshme.
Materialet procedurale i kaluan Prokurorisë për veprime të mëtejshme.
