Neymar provokon dhe shtang tifozët kundërshtarë: i shënon nga goditja e këndit

Neymar shënoi nga goditja e këndit në fitoren e Santos ndaj Inter de Limeira në Campeonato Paulista. Ylli brazilian, titullar në ekipin e Pedro Caixinha, realizoi një “gol olimpik” të vërtetë pak para minutës së 30-të, me një trajektore të jashtëzakonshme që goditi shtyllën e dytë dhe përfundoi në rrjetë.

Pak para se të gjuante nga këndi, Neymar u vërshëllye nga publiku dhe ai iu përgjigj duke i provokuar: “O Ney” u kërkoi tifozëve të tij të ngrinin edhe më shumë zërin në brohoritjet ndaj tij dhe, pak çaste më vonë, goditi topin që përfundoi direkt në rrjetë nga këndi.

UGASUAGSDUASGDUAGSUDGA O NEYMAR METEU UM GOL OLÍMPICO! O ADM TÁ COMPLETAMENTE MALUCO! NÃO É POSSÍVEL! KKKKKKKKKKKKKK #Paulistão2025 pic.twitter.com/8S3vby2Npk

— TNT Sports BR (@TNTSportsBR) February 23, 2025

Neymar provokon tifozët kundërshtarë dhe shënon nga këndorja

Neymar i mashtroi të gjithë me gjuajtjen e tij, përfshirë edhe portierin kundërshtar Igo Gabriel, dhe realizoi një ‘gol olimpik’ të jashtëzakonshëm kundër Inter de Limeira. Në Estádio Major José Levy Sobrinho, ekipi i Santos tashmë po udhëhiqte 1-0 falë golit të Tiquinho Soares (9’), i cili pak para përfundimit të pjesës së parë realizoi dopietën e tij personale. Por në minutën e 30-të, erdhi kjo perlë e Neymarit.

Të dy asistet për Soares erdhën nga këmbët e numrit 10, por ishte trajektorja e goditjes së këndit ajo që la të gjithë pa fjalë: “O Ney” fillimisht sfidoi tifozët kundërshtarë, të cilët po e vërshëllenin vazhdimisht, dhe, pasi vuri dorën te veshi, vendosi topin në vijën e këndit me këmbë dhe më pas shpiku magjinë: shikimi drejt zonës dhe një goditje e fuqishme me të djathtën, e cila përfundoi në rrjetë. Një mrekulli. Pas golit, edhe tifozët kundërshtarë, që më parë po e shqetësonin dhe provokonin, nuk mundën të bënin gjë tjetër përveçse ta duartrokisnin.

O GOL HISTÓRICO DE NEYMAR JR! 🔟⚽ pic.twitter.com/gWhJxpGRv7

— Santos FC (@SantosFC) February 23, 2025

Që nga kthimi i tij te Santos, ish-lojtari i Barcelonës, PSG-së dhe Al-Hilal kishte shënuar tashmë një penallti në fitoren ndaj Água Santa, dhe sot e përsëriti me një perlë të vërtetë. Santos është lideri i Grupit B me 15 pikë në 11 ndeshje, përpara Red Bull Bragantino (14), Portuguesa (12) dhe Guarani (12).