Të shtëna me armë zjarri janë regjistruar mbrëmjen e sotme rreth orës 22:30 në Kamëz.
Sipas Policisë, nga një automjet është qëlluar me armë zjarri në drejtim të një automjeti tjetër në rrugën “New York”, tek Rrethi i Bathores.
Nga të shtënat nuk ka të lënduar në njerëz. Policia ka bërë rrethimin e zonës dhe vijojnë kontrollet për gjetjen e automjetit dhe kapjen e autorit.
Ndërkohë, grupi hetimor nën drejtimin e Prokurorisë po punon për sqarimin e rrethanave të ngjarjes.
