Pas eliminimit nga Champions League, Thiago Motta e ka të vështirë ta pranojë, por nuk bën autokritikë. Tekniku ka replikuar me mesfushorin e tij Manuel Locatelli. “PSV nuk e donte kualifikimin më shumë se ne. Pas barazimit tonë ishim në lojë, pastaj ata shtynë më shumë, krijuan dhe ishin superiorë në disa situata – shpjegoi ai për Prime Video duke komentuar ndeshjen –. Edhe ne ishim të rrezikshëm me shtyllën e Vlahovic në shtesë. Ishte një ndeshje shumë e hapur”.
“Nuk e kemi hedhur poshtë kualifikimin – shtoi Motta duke komentuar deklaratat pas ndeshjes të kapitenit Locatelli –. U përpoqëm deri në fund për të kaluar kundërshtarin. Nuk ishim më të mirë se ata gjatë gjithë ndeshjes dhe PSV e meritoi kalimin në të tetat e finales”. “Nuk do të bëja asgjë ndryshe, jam i bindur për gjithçka, edhe për zëvendësimet – vazhdoi trajneri bardhezi –. Bëmë tre zëvendësime të detyruara. Veiga u dëmtua, Koop kishte temperaturë dhe edhe sot nuk ndihej mirë. Edhe Cambiaso ishte i lodhur dhe më kërkoi të dilte”.
Lexo më tej: Thiago Motta festoi fitoren me Inter: “Nuk e bëj këtë punë për t’i pëlqyer dikujt”
Kapiteni i Juventus, Manuel Locatelli, pak momente më parë kishte komentuar humbjen kundër PSV Eindhoven që eliminoi bardhezinjtë nga Champions League me fjalë të rënda: “E hodhëm poshtë një kualifikim, nuk kam një shpjegim, jemi të gjithë përgjegjës. Një humbje që dhemb, ata e deshën dhe e merituan fitoren më shumë se ne. Duhet të shohim njëri-tjetrin në sy, të marrim përgjegjësitë tona, të ecim përpara dhe të bëjmë më mirë”, tha ai për Prime Video.
FT | ⏹️ | Full time in Eindhoven.#PSVJuve #UCL pic.twitter.com/I1Yjb5eK2D
— JuventusFC 🇬🇧🇺🇸 (@juventusfcen) February 19, 2025
