Senati amerikan ka konfirmuar Kash Patelin si drejtor të FBI-së, duke e vendosur atë në krye të agjencisë më të lartë të zbatimit të ligjit në SHBA. Kandidatura e tij u përball me kritika të forta nga demokratët, të cilët ngritën shqetësime për ndikimin politik që mund të ketë në FBI, duke sugjeruar se ai mund të përdorë pozitat për të ndjekur armiqtë politikë të Donald Trump.
Gjatë seancës, Patel nuk e mohoi këtë mundësi, por theksoi se ai beson që FBI duhet të jetë përgjegjëse ndaj Departamentit të Drejtësisë dhe Shtëpisë së Bardhë. Ai do të zëvendësojë Christopher Wray, i cili dha dorëheqjen pas shtatë vitesh në detyrë. Drejtorët e FBI-së kanë mandate 10-vjeçare për të shmangur ndikimet politike dhe për të ruajtur pavarësinë e agjencisë.
