Detaje të reja janë mësuar nga plagosja e ndodhur këtë të mërkurë në fshatin Bicaj të Kukësit.
Sipas informacioneve të policisë, i plagosuri është identifikuar si Elvis Halili, ndërsa autori i dyshuar si Zenel Muçmata.
Ky i fundit mësohet se është drejtor në Bashkinë e Kukësit, ndërsa i plagosuri është kushëri me kryetarin e Bashkisë Albert Halilaj.
Policia bën të ditur se Halili ndodhet jashtë rrezikut për jetën.
“Rreth orës 14:20, në spitalin e Kukësit, është paraqitur shtetasi Elvis Halili, rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën.
Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit.
Është ngritur grupi hetimor dhe në drejtimin e Prokurorisë Kukës po vijon punën për zbardhjen dhe dokumentimin e plotë ligjor të këtij rasti“, njoftoi me herët policia.
Lexo edhe:
Të shtëna me armë zjarri në Kukës, plagoset një person
