Një situatë e paprecedentë është regjistruar mbrëmjen e djeshme në Kosovë, teksa protagonist u bë komentatori i sportit, Andin Lokaj, i cili është larguar nga televizioni, Artmotion.
Gjatë komentimit të ndeshjes Juventues-Interi, Andin Lokal kaloi në fyerje ndaj kryeministrit të Kosovës, Albin Kurti, duke e quajtur këtë të fundit “hajvan”.
“Veç një dëshirë e kam sonte dhe dëshira më e madhe është që kryeministri jonë aktual që është më hajvani në histori të njerëzimit, të mos më dëgjojë sonte. Se me e dit që ai po më dëgjon sonte, unë tani e ndal komentimin dhe iki tek shtëpia. Kryeministri më hajvan në histori” – deklaroi Andin Lokal në nisje të komentimit të ndeshjes Juventus-Inter.
Bordi i televizionit vendosi që ai të largohej nga komentimi i ndeshjes dhe pjesën e dytë u zëvendësua nga një komentator tjetër. Ndaj tij pritet të merren masa të rrepta. Kujtojmë që Andin Lokaj në të kaluarën ka bërë komente aspak të hijshme edhe për kombëtaren shqiptare.
