Sali Berisha deklaroi që sapo Partia Demokratike të vijë në pushtet do të ndalohen me ligj veprimtaritë e fondacionit të George Sorosit në Shqipëri.
Berisha tha që me ligj do të ndalohet edhe bashkëpunimi i organeve shtetërore, administratës me organizata sorosiane. Ai u shpreh se Shqipëria do të ketë një program transformativ dhe një program transformimi të shpejtë.
“Do të ndalohet veprimtaria e fondacionit Soros në Shqipëri si një rrezik i vërtetë kombëtar.
Me ligj do të ndalohet bashkëpunimi i organeve shtetërore, administratës me organizata sorosiane.
Me ligj do të garantohet se kurrë qoftë edhe në referendum nuk do të mundet kush kurrë se do të luhet me familjen, me prindin, me gjininë përveç atyre që ka përcaktuar Zoti dhe natyra.
Ndaj dhe është e domosdoshme të shumëfishojmë energjitë, forcat për një bashkim të madh dhe të fuqishëm me të gjitha forcat politike që ndihen të përgjegjshme para qytetarëve shqiptarë.
Me të gjitha grupet, shtresat të bashkohemi rreth një programi të mrekullueshëm, rreth një programi që do të transformojë Shqipërinë. Unë i garantoj shqiptarët se ne kemi një program transformativ,
Ne kemi një program të transformimit të shpejtë.
Ne kemi një program në të cilin qytetari i të gjitha moshave dhe shtresave do të gjejë veten e tij, i përfillur dhe i mbështetur.”, tha Berisha.
