Prokuroria e Gjirokastrës ka nisur hetimet për vetëvrasjen e Irsa Muçollarit, nxënëse e gjimnazit “Siri Shapllo”.
Prokuroria ka marrë në pyetje prindërit e vajzës së ndjerë, të cilët kanë deklaruar se ajo ishte e mbyllur në vetvete dhe në gjendje të rënduar emocionale, sipas burimeve nga policia gjyqësore.
Këto janë të dhëna paraprake, pasi hetimet janë ende në fazat fillestare dhe nuk ka një pistë konkrete për shkakun e vetëvrasjes.
Adoleshentja i dha fund jetës duke u varur në banesën e saj në lagjen “18 Shtatori” të Gjirokastrës. Ngjarja ndodhi më 10 shkurt, rreth orës 17:00. Babai i saj e dërgoi në spitalin e Gjirokastrës, por ajo kishte ndërruar jetë. Hetimet paraprake dyshojnë se e mitura është vetëvarur.
