Lajm i bujshëm nga Bashkia e Tiranës. Arrestohet kryetari Erion Veliaj. Ndërsa prej kohësh ishte në hetim për katër vepra penale, agjentët e Byrosë Kombëtare të Hetimit kanë zbarkuar mesditën e sotme në ambientet e Bashkisë duke kryer dhe arrestimin e tij.
Janë prokurorët e posaçëm që kanë kërkuar nga GJKKO masën “arrest me burg” për të dhe një zyrtar tjetër, ndërsa pritet një njoftim nga ana e Strukturës së Posaçme kundër Korrupsionit dhe Krimit të Organizuar.
Burime pranë SPAK konfirmojnë se prokurorët e posaçëm kanë kërkuar nga Gjykata e Posaçme Kundër Korrupsionit dhe Krimit të Organizuar (GJKKO) masën e sigurisë “arrest me burg” jo vetëm për Veliajn, por edhe për një tjetër zyrtar të lartë, sipas newsbomb. Ndërkohë, pritet një njoftim zyrtar nga SPAK mbi akuzat dhe hapat e mëtejshëm të hetimit.
