Sot në Kosovë është mbajtur seanca gjyqësore për vrasjen e Liridona Ademajt, ngjarje e cila krijoi indinjatë në Kosovë dhe Shqipëri.
Tomë Dodaj, është dënuar me 5 vjet burg e 5 mijë euro gjobë pasi pranoi se ia ka shitur Naim Murselit armën me 20 fishekë për 280 Euro. Dodaj pranoi fajësinë para togave të zeza.
Ndërsa Naim Murseli, i cili akuzohet se kishte premtuar 30.000 Euro kompensim për vrasjen e bashkëshortes së tij, nuk e ndjen veten fajtor për vrasjen e Liridona Ademajt. Ai është deklaruar i pafajshëm në pyetjen për pranim të fajësisë ose jo.
Në akt-akuzë thuhet se Naim Murseli e kishte mbajtur me njërën dorë Liridonën që ajo të mos shmangte plumbin.
Ndërsa autori i vrasjes Granit Plava është mbrojtur në heshtje, e Kushtrim Kokalla ka thënë se nuk do të deklarohet pa u konsultuar me avokatin e tij. Gjatë shqyrtimit fillestar më 31 Janar, Prokuroria ka lexuar akt-akuzën që rëndon ndaj katër të akuzuarve.
Sipas akt-akuzës, Naim Murseli ka deklaruar se motivi i vrasjes ishte presioni i lartë nga bashkëshortja dhe xhelozia e saj. Granit Plava ka deklaruar se i është thënë se duhet të vrasë një biznesmene serbe. E Kushtrim Kokalla ka thënë se Murseli e ka lutur për një vit që ta vrasë Liridonën.
Lexo edhe:
Pagoi vrasjen e Liridona Ademajt, Naim Murseli mohon krimin. Personi që i shiti armën e nxjerr zbuluar
