Më e keqja është shmangur, të paktën për momentin: Manchester City arriti të përmbysë ndeshjen kundër Brugge në ditën e fundit të fazës së kampionatit në Champions League, duke u kapur me dëshpërim pas playoff-it për të shmangur një eliminim që do të ishte sensacional. Frika u kapërcye, pavarësisht zhgënjimit të madh të Pep Guardiolës, i cili tani duhet të mendojë për një problem edhe më të madh, sepse këto ndeshje do të jenë gjithçka tjetër përveçse një shëtitje.
Për të shpresuar te kualifikimi në 1/8 e finales, City duhet të përballet me njërën mes Real Madrid dhe Bayern Munich, dy gjigantët e tjerë të zhgënjyer nga kjo Champions League, të cilët nuk arritën të kalojnë në fazën e eliminimit direkt. Anglezët u renditën në vendin e 22-të dhe ia dolën t’i shpëtojnë eliminimit për një fije, por tani i pret një sfidë edhe më e madhe.
Playoff makthi për Manchester City
Mali për t’u ngjitur sapo ka filluar për skuadrën e Guardiolës, e cila ishte e pafat dy herë: herën e parë për këtë sezon të mbrapshtë, ku duket si hija e ekipit që ka dominuar vitet e fundit; dhe herën e dytë për shkak të shortit të çuditshëm të kësaj Champions League, që nuk i dha një përballje të lehtë në play-off. City priste një kundërshtar më të thjeshtë, por shorti i së premtes do ta vendosë përballë njërës mes Real Madridit dhe Bayern Munichut, një përballje që do të ndahet me Celtic-un.
Sipas rregullores së këtij edicioni, skuadra që përfundon në vendin e 22-të – si në rastin e City – duhet të përballet me një nga skuadrat e renditura në vendin e 11-të ose të 12-të. Rreziku për të luajtur kundër një ekipi italian ishte gjithashtu shumë i lartë në short, por në fund tabela i rezervoi Manchester City një short djallëzor: nga njëra anë Real, që të gjithë duan ta shmangin pavarësisht luhatjeve të tij, dhe nga ana tjetër Bayern, që mbetet gjithmonë një enigmë e madhe. Ishin llogaritje të pamundura për t’u bërë, edhe për spanjollët dhe gjermanët, të cilët prisnin të kishin përballë një kundërshtar më të lehtë.
The league phase is complete ✅#UCL pic.twitter.com/8Ix7MvcqI4
— UEFA Champions League (@ChampionsLeague) January 29, 2025
