Kreu i Demokratëve Euroatlantikë, Lulzim Basha, në një emision televiziv ka theksuar se politika e aktuale në Shqipëri është kthyer në një shfaqje, ku lihen pas interesat e qytetarëve dhe mbizotëron tregtia e votës. Ai ka kritikuar manipulimet dhe paaftësinë e politikës së sotme, duke theksuar se alternativat që ofrohen nga Edi Rama dhe Sali Berisha nuk janë zgjidhje për shqiptarët.
Basha shprehet se politikanët e tanishëm, të cilët synojnë vetëm karrigen e deputetit, nuk kanë interes për të zgjidhur problemet e qytetarëve.
Ai më tej tha se detary e tij është t’u thotë shqiptarëve mos pranoni t’ju trajtojnë si dele, mos pranoni t’u trajtojnë si qenie pa tru, ja ku është programi i Demokratëve Euroatlantikë dhe këto janë zgjidhjet për hallet tuaja. Sipas Bashës, politika ka rol të emancipojë publikun, ta edukojë publikun, jo të përdor frikrat dhe shqetësimet e publikut për të akumuluar vota duke i përdorur si turma.
“Ky është ndryshimi kryesor, që ata duan me ushtrinë e tyre të zombive të servilëve të jenë zgjedhjet pa zgjidhje. Zgjedhje pa zgjidhje do jetë Partia Socialiste me tufën e hajdutëve, janë hajdut të gjithë lepe peqe Edi Ramës sepse vjedhin. I kap SPAK, i hedh Edi Rama u thotë po hanin pas shpine. Çfarë janë këta, një kopje e zbehtë. Dhe kjo do të jetë alternativa? Sigurisht që kjo nuk do të jetë alternativë për shqiptarët. Prandaj për t’ju përgjigjur pyetjes së parë, ne kërkojmë që ata njerëz, atë shumicë shqiptarësh që e tregojnë studimet e besueshme që nuk e pranojnë këtë shfaqje. Që thonë nuk mund ta pranojmë të na hedhin vargonjtë e të na thonë ‘o pas Ramës, o pas Berishës’. Nuk e pranojnë këtë. Ky është fronti të cilin ne duam ta formësojmë si alternativë.
Grupi parlamentar ka zero rëndësi, ai parlament ka marr fund. Sikur rrethanat nuk do të kishin zbuluar këtë dobësi karakteri të shumë, jo të çdokujt, por të shumë prej atyre që sot janë gati t’i thonë të bardhës të zezë, e bëjnë në fakt dhe të zezës, të bardhë vetëm që të kenë një karrige të sigurt deputeti, s’ju bëhetvonë për demokratët, s’u bëhet vonë për fatin e tyre. Duan vetëm të jenë në karrigen e sigurtë të deputetit dhe për këtë janë gati të bëjnë gjithçka dhe po bëjnë gjithçka që sigurisht është ajo që ëndërron Rama. Se ti kështu pushon së qenuri opozitë, ti bën shfaqje, ti bën shoë dhe çështë më e keqja, ti bashkon votat me Ramën.
