Ka mbërritur në ambientet e Katedrales “Ringjallja e Krishtit” kryeministri i Greqisë Kyriakos Mitsotakis, i shoqëruar nga bashkëshortja e tij.
Mitsotakis ka udhëtuar nga Greqia drejt Tiranës për të marrë pjesë në ceremoninë mortore e mbajtur në nder të Kryepeshkopit të gjithë Shqipërisë të ndjerë Anastas Janullatos. Kryeministri grek është i shoqëruar nga 5 ministra të kabinetit të tij, lideri i opozitës greke edhe Kryepeshkopi i Athinës, të cilët do të nderojnë figurën e Kryepeshkopit si dhe do t’i japin lamtumirën për në banesën e fundit.
Gjithashtu Kyriakos Mitsotakis do të mbajë një fjalim në Katedrale së bashku me homologun e tij Edi Rama. Dy krerët e qeverive janë pozocionuar krah njëri-tjetrit duke ndekur shërbesën e fundit që do të drejtohet nga drejtohet nga Patriarku Ekumenik i Kostandinopojës, Bartolomeu.
