Sekretari i Shtetit, Marco Rubio, njoftoi të dielën lirimin e një shtetasi amerikan, i cili ishte burgosur në Bjellorusi. Duke kredituar udhëheqjen e Presidentit Donald Trump, Rubio tha në një postim në X se: Bjellorusia sapo liroi në mënyrë të njëanshme një amerikane të pafajshme, ANASTASSIA Nuhfer, e cila u mor nën presidencën e JOE BIDEN!
Rubio shtoi se Christopher Smith, Zëvendës Ndihmës Sekretari i Departamentit të Shtetit për Evropën Lindore dhe Politika dhe Çështje Rajonale bëri një punë të shkëlqyer për lirimin e amerikanes.
Ndërkohë, Bjellorusia zhvillon zgjedhjet e saj kombëtare të dielën. Presidenti Aleksandër Lukashenko, një besnik i liderit rus Vladimir Putin, përballet vetëm me kundërshtime simbolike dhe pritet të marrë një mandat tjetër përveç tre dekadave të tij në pushtet.
Kundërshtarët më të rëndësishëm të Lukashenkos, shumë prej të cilëve janë të burgosur ose të internuar jashtë vendit për shkak të goditjes së tij të pandërprerë ndaj disidencës dhe fjalës së lirë, po i quajnë zgjedhjet false, njësoj si ajo e fundit në 2020 që shkaktoi muaj protestash që ishin të paprecedentë në historinë e një vend me 9 milionë banorë.
Vendi mban rreth 1,300 të burgosur politikë, duke përfshirë laureatin e Çmimit Nobel për Paqe, Ales Bialiatski, themelues i Qendrës për të Drejtat e Njeriut Viasna. Që nga korriku, Lukashenko ka falur më shumë se 250 persona. Në të njëjtën kohë, autoritetet kanë kërkuar të çrrënjosin mospajtimin duke arrestuar qindra të tjerë në bastisjet që synonin të afërmit dhe miqtë e të burgosurve politikë.
