Një 44 vjeçare në Shkodër është arrestuar nga policia pasi mbante në banesë armë e municione.
Bëhet fjalë për 44-vjeçaren Emirsada Piri, ndërsa policia shpalli në kërkim bashkëshortin e saj Dashamir Huruni. Gjithashtu po hetohet në gjendje të lirë do të hetohet baba i saj pasi mbante në banesë, 1 armë gjahu.
“Në kuadër të operacionit ‘Muzgu’ është ushtruar kontroll në banesën e shtetasve E. P. dhe D. H. (bashkëshortë), ku janë gjetur 5 granata, 5 ndezës granatash, 1 armë pneumatike, pjesë armësh dhe municion luftarak. Gjithashtu, është ushtruar kontroll në banesën e shtetasit Xh. P. (babai i shtetases E. P.), ku është gjetur një armë gjahu teke.
Në vijim të veprimeve për këtë rast:
-u arrestua në flagrancë shtetasja Emirsada Piri, 44 vjeçe, banuese në fshatin Shtoj i Vjetër;
-u referuan materialet në Prokurori ku nisi procedimi në gjendje të lirë për shtetasin Xh. P., 72 vjeç, banues në fshatin Shtoj i Vjetër;
-u shpall në kërkim shtetasi D. H., 49 vjeç, banues në fshatin Shtoj i Vjetër. Vijon puna për kapjen e tij”, thuhet në njofitmin e policisë.
Materialet procedurale i kaluan Prokurorisë Shkodër, për veprime të mëtejshme.
